Þrepamarkmið í íslensku fyrir 1. Bekk

Nemandi
Lestur
- vinni með eigin frásagnir og sögur til að örva hann til lestrar
- vinni fjölbreytt verkefni sem örva hann til lestrar
- kynnist rími og hrynjandi, bókstöfum, orðum og setningum
- vinni verkefni sem stuðla að auknum orðaforða og málskilningi
- hafi greiðan aðgang að og nýti sér fjölbreytt val bóka, bæði í kennslustofu og á skólasafni
- kynnist skólasafni með verkefnavinnu
- fái tækifæri til að efla lesskilning með því að vinna fjölbreytt verkefni við hæfi
- fái tækifæri til að lesa bækur við hæfi, að eigin vali og vali kennara
- taki sérstakt lesskimunarpróf sem spáir fyrir um hvort hann geti átt í lestrarerfiðleikum og fái viðeigandi lestrar- og málþjálfun í kjölfarið

Talað mál og framsögn
- fái þjálfun við hæfi í framburði íslenskra málhljóða
- fái tækifæri til að tjá sig frammi fyrir bekkjarfélögum sínum
- fari í leiki sem gera kröfur um munnlega tjáningu
- fái tækifæri til að segja frá eigin reynslu
- fái tækifæri til að ræða við bekkjarfélaga, t.d. þegar upp koma vandamál, og reyna að komast að sameiginlegri niðurstöðu
- fái tækifæri til að kynna vinnu sína fyrir bekkjarfélögum og foreldrum
- endursegi og/eða lesi eigin sögur og ljóð upphátt fyrir bekkjarfélaga sína
- fái tækifæri til að undirbúa stuttar frásagnir
- fái tækifæri til að taka þátt í stuttum leikþætti og/eða söngatriði
- kynnist þeim reglum sem gilda þegar margir þurfa að tjá sig í einu
- sé hvattur til að tala skýrt og áheyrilega
- fái tækifæri til að nota leikræna tjáningu
- fái tækifæri til að syngja algenga íslenska barnasöngva og taki þátt í fjöldasöng, m.a. söngva sem tengjast jólum

Hlustun og áhorf
- hlusti á upplestur á sögum og ljóðum, bæði sem kennari les og flutt eru á annan hátt, t.d. af hljóð- eða myndbandi
- hlusti á umræður bekkjarfélaga sinna
- fari í leiki sem gera kröfur um að hlustað sé á og farið eftir munnlegum fyrirmælum
- hlusti á fyrirmæli kennara og fari eftir þeim
- skoði myndir og segi frá efni þeirra
- horfi á leikþætti og söngatriði, ýmist á sviði eða af myndbandi
- fái tækifæri til að hlusta á upplestur á stuttum og lengri sögum eftir íslenska og erlenda höfunda
- hlusti á upplestur ljóða með sterkri hrynjandi
Ritun
- þekki skriftaráttina
- þjálfist í fínhreyfingum með fjölbreyttum verkefnum
- þjálfist í að draga til stafs
- fái margs konar tækifæri til að skrifa á þann hátt sem hann er fær um
- semji texta við eigin myndir og annarra og skrifi sjálfur eða með aðstoð
- fái tækifæri til að semja sögur og ljóð og skrifi sjálfur eða með aðstoð
- þjálfist í að lýsa hlutum og athöfnum í rituðu máli og skrái sjálfur eða með aðstoð
- skrái sjálfur eða með aðstoð frásagnir um atburði úr eigin lífi

Bókmenntir
- kynnist þekktum íslenskum þjóðsögum, m.a. úr heimabyggð
- læri nokkrar einfaldar vísur og ljóð til söngs
- fái tækifæri til að taka þátt í leikrænni tjáningu á bókmenntatexta
- fari á skólasafn og skoði/lesi þar bækur
- þjálfist í að fá bók að láni á skólasafni
- þjálfist í að ræða um bókmenntaverk sem hann hefur hlustað á
- fái tækifæri til að lesa bækur sér til fróðleiks og skemmtunar miðað við lestrargetu og áhuga

Málfræði
- læri m.a. að þekkja hugtökin bókstafur, hljóð, orð og setning í tengslum við lestrarnám
- fái tækifæri til að nota tungumálið á fjölbreyttan hátt
- fái tækifæri til að leika sér með tungumálið, t.d. með rími og orðaleikjum

Úr aðalnámskrá í íslensku Menntamálaráðuneytið 1999