Þrepamarkmið náttúrufræði 3. bekk Nemandi Úr eðlisvísindum - geri athuganir á því hvað gerist þegar ýmis efni eru leyst upp í vatni - geri athuganir á því hvað gerist með hluti af mismunandi gerð og lögun, t.d. úr plasti, viði, járni, korki, leir eða steini, þegar þeir eru settir í vatn - geri athuganir á því hvað gerist þegar hlut er ýtt eða hann dreginn með mismiklum krafti og á mismunandi yfirborði - geri athuganir sem sýna hvernig mismunandi kraftur getur breytt lögun efna, s.s. svamps, leirs, pappírs, gorms eða teygju - tengi saman einfaldar straumrásir - geri athuganir sem sýna að sumir hlutir leiða rafmagn en aðrir ekki og átti sig á hver eru sameiginleg einkenni þeirra hluta sem leiða rafmagn - skoði rafmagnstæki sem t.d. gefa hljóð, hita eða ljós og ræði um hvaða tilgangi þau þjóna í lífi okkar - kanni orkuþörf ýmissa tækja, s.s. bíla, síma, útigrilla, úra, reiðhjóla Úr jarðvísindum - þekki að það tekur langan tíma fyrir sólarljósið að berast til jarðarinnar og að sá tími er mældur í ljósárum - búi í samvinnu til líkan af sólkerfinu - þekki að tunglið orsakar sjávarföll - skoði og fjalli um áhrif vatns á ýmis jarðefni, s.s. myndun polla og útlit fjallshlíða - skoði og fjalli um áhrif vinda á ýmis jarðefni, s.s. uppblástur og sandöldur - þekki mótunaráhrif - hafsins á fjöruna, þ.e. hvernig fjörusteinar og berg mótast - ánna, þ.e. hvernig ármöl mótast og beri hana saman við fjörumöl - geti spáð fyrir um breytingar á umhverfi við mismunandi veðurskilyrði - skilji algengustu veðurtákn sem notuð eru í veðurlýsingum - ræði um hvaða hlutverki veðurspár gegna í íslensku samfélagi og hvaða tækni er beitt við veðurmælingar - þekki að jörðin er byggð upp af - kjarna - möttli - jarðskorpu - hafi - lofthjúp - æfi viðbrögð við mögulegum náttúruhamförum í heimabyggð sinni, s.s. jarðskjálfta, flóði, snjóflóði, eldgosi - þekki þekktar eldstöðvar - í heimabyggð sinni - á Íslandi - þekki að hraun rennur yfir eldri jarðlög, það yngsta er efst og elsta neðst Úr lífvísindum - átti sig á hvað það er sem einkennir lifandi verur og greinir þær frá lífvana hlutum, s.s. hreyfing, næringarnám, vöxtur og æxlun - átti sig á að allar lífverur þurfa vatn, loft, fæðu og búsvæði til að lifa - þekki og geti nafngreint - íslensk spendýr á landi - helstu fugla í heimabyggð - algeng smádýr - geri athuganir á því hvernig eiginleikar ákveðinnar lífveru henta í því umhverfi sem hún býr í - af eigin raun - með hjálp gagna, s.s. myndbanda, bóka og tölvuforrita - ræði og athugi hvernig lífverur, t.d. snjótittlingar, lifa af veturinn á Íslandi - kanni eigin lífsvenjur og meti hvort þörf sé úrbóta, s.s. á mataræði, svefni, hreinlæti og umgengni - þekki hvernig dýr annast afkvæmi sín samanborið við manninn