Námsefniskynning

3. bekkur 2004 - 2005

Praktískir hlutir

• Tilkynna veikindi eða leyfi
• Það þarf að sækja um leyfi til skólastjóra ef um lengra frí er að ræða, á þar til gert eyðublað
• Skólapósturinn skila umslaginu daginn eftir – muna að kvitta á umslagið að það hafi verið tekið á móti póstinum
• Merkja fatnað nemenda vel og ef eitthvað tapast þá er hægt að athuga með tunnuna frammi eða athuga hjá húsverði
• Svefntími – mikilvægt að vera vel úthvíldur
• Borða góðan morgunmat áður en þau koma í skólann
• Endilega að hafa samband ef það er eitthvað – ekki geyma, taka á hlutunum jafnóðum

Námsefni og leiðir

Stærðfræði Við nýtum okkur einingakubba í stærðfræðinni, talnagrindur og önnur mælitæki.
Við notum Einingu 5 og 6 og ýmis fjölrituð hefti
Vasareikni hefti sem við notum með vasareikninum
Við erum að vinna með plús, mínus, stærra en minna en jafntog, margföldun, talnarunur
Við notum sögur við hugarreikning – rökhugsun
Við vinnum með mynstur, form, speglun og súlurit
Við notum reglustikur, dl mál, málband og hitamæli
Við nýtum okkur einnig tölvuforrit til að vinna með stærðfræðina td. Bogi blýantur, talnaflísar og fl.

Við vinnum mest í hringekju með Eininga bækurnar og fylgiverkefni.

Þau nota líka Viltu reyna bækurnar og við setfnum á margföldun þar sem þau meiga fara eins hratt og þau vilja.

Íslenska
Við notum létt lestrarbækur, Þau eru að vinna í vinnubók með lestrarbókinni Lesum saman 1,

Ég les fyrir þau framhaldssögur og ævintýri eða við hlustum á hljóðsnældur í nestistímum.
Þau hlusta á hvert annað segja frá – æfing í framsögn – tjáningu og hlustun í regnbogalandi.
Við skrifum í skriftarbækur og þemahefti
Þau vinna í verkefnabækurnar Litla Ritrún og Tvist. Sum eru að klára Pínulitlu Ritrúnu og Ás. Þau mega halda áfram eins og þau vilja í þessum bókum.
Við notum líka verkefni sem tengjast bókinni Orðaskyggnir

Einnig notum við fjölrituð hefti og efni sem tengist ákveðnum þemum.
ÞEir nemdnur sem þurfa einfaldari verkefni fá þau í samráði við sérkennara. Foreldra sem það á við um vita hverjir það eru og vinnum við það í samráði, foreldra, kennari og sérkennari.

• Samfélags-, landa-, og náttúrufræði
  Er byggt á nokkrum mismunandi þemum. Sem eru samþætt við allar aðrar námsgreinar. Þemun sem við tökum fyrir er þema um tré (tengist Einingu - stærðfræði - tengjum það líka textíl og smíðum - jafnvel myndlist), þema um Ásmund Sveinsson ('I samvinnu við myndlista kennarann og jafnvel smíðakennarann), þema um uppbyggingulands - sem er stórt þema, mjög margt blandast þar inní. KEm til með að nýta mér bækur úr flokkinum komdu og skoðaðu - Land og þjóð, fjöll og kannski bíllinn (Þegar þessar bækur verða teknar verða þær notaðar í heimalestur)
  
• Kristinfræði verður kennt í þema við notum bókina Stjarnanan - sem kemur þá til með að verða lestrarbókin þeirra og þau eiga þá gjarnan að lesa ákveðna kafla heima.
  
• Lífsleikni - Flettast inn í daglegt starf og þar með talin samskipti nemenda í hópvinnu. Í vetur ætla ég einnig að nota kennsluefnið Gaman saman og janfvel Spor. Er að velta fyrir mér að hafa lífsleiknitíma í síðustu tímum á föstudögum.
  
• Heimilisfræði þar klárum við verkefni úr bókinni Holt og gott fyrir 2. bekk. B+úum til ávasta og grænmetissalta.
  
  
• Upplýsingatækni Við komum til með að nýta okkur bókasafnið hér í skólanum og hvet ég ykkur til að fara með nemendum á bókasafn. Þau geta líka farið í bókabílinn.
  Ég hef hugsað mér að halda áfram að hafa tölvur í vali. Einnig ætla ég að blanda tölvunum inn í þemaverkefnin þar sem þau þurfa að taka ljósmynd og búa til litla einfalda stuttmynd t.d. í þemanu um tré. Einnig ætla ég að nýta tíman á meðan helmingurinn af bekknum er í sundi til að fara í fingrasettningu, þá komum við til með að nota okkur tölvuverið.
  
  
• Heimanám verður lestur daglega. Heimalesturinn á alltaf að vera í töskunni með kvittunarblaðinu. Lestur er eina heimanámið því mikilvægt að því sé vel fylgt eftir heiman að frá. Ef þið viljið meira af heimanámi þá hafið samband við mig fyrir hvern og einn og ég læt ykkur fá verkefni.
  Stundum koma til með að vera send heim ákveðin verkefni til viðbótar. Er að velta fyrir mér að senda heim það sem ekki klárasrt í tímum...
  Ég kem til með að senda þau heim með spurningar til íhugunar, þegar við byrjum á nýjum verkefnum. Þá ætlast ég til að þau fari að velta fyrir sér ákveðnu viðfangsefni. t.d bað ég þau um að segja mér hvaða tré væri uppáhalds tré í garðinum þeirra og þau mættu leyta á Netinu að upplýsingum um tréð á Netinu ef mamma og pabbi leyfðu það.

• Dagskipulag
  Dagarnir byrja alltaf eins hjá okkur nema á föstudögum þá mæta þau beint í leikfimi. Eru mætt 8:20 og þurfa að drífa sig í sturtu eftir tíma og eins fljótt til baka aftur og hægt er til að ná í tónmennta tíma.
  Sem sagt við byrjum á að taka upp heimalestrarbækurnar okkar og setjum á borð hornið. síðan ná þau í lestarbókina lesum saman og vinnbókina með því. Þau vinna í þessa bók í 20 mínútur, síðan eiga þau að vinna í stærðfræði sprettum.. eða Viltu reynabókunum í aðrar 20 mínútur og þar á eftir síðustu 20 mínúturnar sem fara í að vinna í Litlu ritrún og síðar í vetur í Tvist. síðan drekkum við og förum í frímínútur. Á meðan á þessum lotum stendur eru þau að koma upp að kennara borði til mín og lesa.
  Sérkennarinn kemur oftast inn á þessum tíma eða tekur nemendur úr tímum og er með þá hjá sér.

• Samvinna
  Við erum í samvinnu við 2. bekk í vetur. Þá erum við þrjár með báða bekkina þ.e. Ingibjörg, Þuríður og ég. Við skiptum þeim í 15 manna hópa. Ég tek einn hópinn og fer með þau upp í tölvuver í tölvur þar æfum við okkur í fingrasettningu. Þessi tími er í lok dags á þriðjudögum.

• Hringekjur - stöðvavinna
  Síðan verðum við á kafi í hringekjum - eða stöðvavinnu með ýmis þemaverkefni. Einingabækurnar eru einnig settar upp í hringekjur og þemu. Þau koma einig til með að fá að fara í vali sem er þá einskonar gulrót.

• Þróunarverkefni
  Ég held áfram með þróunarverkefnið frá því í fyrra sem er annarsvegar að gera kennslustofuna ævintýralega og hinsvegar að tengja fjölgreindarkenninguna við námsefnið - samþætta námsgreinar með tilliti til fjölgreindarkenninguna.
  Ég hef verið að kynna verkefnið okkar fyrir öðrum kennurum og stjórnendum grunnskólanna.
  
  
• Markmið með fjölgreindarkenningunni
  1. Að nemendur fái að vinna með allar greindir
  2. Að nemendur fái fjölbreyttar kennsluaðferðir
  3. Að nemendur verði meðvitaðir um hvaða greindir þeir eru að vinna með
  
  
• Leiðir
  Fjölgreindarkenning í kennslustofunni
  Útbúa þemaverkefni sem snerta flestar eða allar greindir
  Í lok hvers dags spjalla saman um hvaða greindir við vorum að vinna með
  Fjölgreindahringekja
  Nýta sér heim ævintýranna

• Markmið með ævintýrum í kennslustofunni
  
  Að læra í gengum leik
  Að gera kennslustofuna að ævintýraheimi þar sem nemendur geta prufað mismunandi hlutverk
  Að nemendur fái að skapa ævintýrablæ á kennslustofuna með verkum sínum
  Að kynnast mismunandi ævintýrum
  Að kynnast hvernig á að byggja upp sögu eða ævintýri
  Að tengja allar námsgreinar við ævintýraheim
  
• "Barnæskan á að vera skemmtilegt ævintýri“Loris Malaguzzi