Hlutverk náttúrufræðikennslu
er meðal annars að auka orðaforða barnsins og opna um
leið nýja heima. Leiðir sem verða farnar eru að
barnið fái að upplifa með því að
gera tilraunir, skrá og tjá sig um verkefnið sem það
vinnur að. Lestrar kunnátta eykst með því
barnið les sig til um efnið. Skriftarfærni eykst með
ritunar-, og þemaverkefnum. Barnið fær tækifæri
til að venja sig á að kanna, hlusta, spyrja, leita upplýsinga,
skrá, vanda vinnubrögð og ekki síst tjá
sig með orðum og myndum.
Líkaminn
Nemandi á að
• "geta nafngreint flesta sjáanlega líkamshluta
mannsins
• gera sér grein fyrir að líkaminn er gerður
úr líffærum sem gegna ákveðnum hlutverkum,
svo sem beinum, vöðvum, hjarta, blóðrás,
lungum, meltingarfærum, heila og skynfærum
• gera sér grein fyrir mikilvægi ákveðinna
þátta fyrir heilbrigði og líðan, svo sem
heilsu, hreinlætis, fæðu, tannverndar, hreyfingar og
svefns
• gera sér grein fyrir áhrifum fæðu á
líkamann
• gera sér grein fyrir að ýmis utanaðkomandi
efni eru skaðleg líkamanum
• gera sér grein fyrir að ýmsir sjúkdómar
og sníklar eru smitandi en oft eru til ráð til að
koma í veg fyrir þá eða lækna"
Inn í þetta blandast lífsleikni með tilfinningar
og líðan.
Lífverur
Nemandi á að
o kynnast helstu lífverum í nánasta umhverfi, þar
á meðal íslensku húsdýrunum
o átta sig á að lífverur þarfnast vatns,
lofts, fæðu og búsvæðis til að lifa
o geta borið saman plöntur og dýr
Vistkerfi
Nemandi á að
o átta sig á áhrifum árstíðabundinna
breytinga á íslenskt lífríki
Að
búa á jörðinni
Nemandi á að
o sýna áhuga og ábyrgð á nánasta
umhverfi og velferð lífvera
o gera sér grein fyrir að maðurinn er hluti af náttúrunni
og lífsafkoma hans byggist á samspilinu við hana
o kunna að flokka úrgang sem fellur til á heimilum
og skilja tilganginn með flokkuninni
Jarðvísindi
Orka jarðar
Nemandi á að
o þekkja hringrás vatnsins í tengslum við ólík
birtingarform þess í náttúrunni