Korpuskóli
1. bekkur 2002 - 2003
Náttúrufræði
Þema um dýr

Egg - Ungi - Hæna - Lífsferlar í náttúrunni

Ævintýri

Um dýrið
Fjölskyldugerð: hani, hæna og hænuungi.
Þyngd: 1,5-2,0 kg.
Fengitími: allt árið.
Útungunartími: 21 dagur.
Fjöldi afkvæma: 10-12 hænuungar.
Nytjar: egg og kjöt.

· Íslensku hænurnar eru taldar vera beinir afkomendur landnámsaldar hænsnanna (haughænsna).
· Þær eru litlar og harðgerðar og skarta öllum regnbogans litum þegar sól skín.
· Þessi tegund er þó ekki talin heppileg sem varphænur og eru ítölsku hvítu hænurnar alveg teknar við því hlutverki á Íslandi.
· Líftími íslenska hænsnanna er þó lengri en hvítu Ítalanna þannig að þegar á lengir tíma er litið verpa þær sennilega jafnmikið.
· Góð varphæna getur orpið allt að 300 eggjum á ári
.
Efni frá Húsdýragarðsvefnum.

 

Skapandi verkefni



Kettir

Ævintýri

Um dýrið
Fjölskyldugerð: högni, læða og kettlingur.
Þyngd: 2-4 kg.
Fengitími: allt árið.
Meðgöngutími: um 60 dagar.
Fjöldi afkvæma: 3-5 kettlingar í hverju goti.
Nytjar: Eru kelirófur og því manninum til skemmtunar!

· Íslenski kötturinn hefur fylgt manninum allt frá landnámi. Íslenska kattarkynið hefur haldist nokkuð vel í gegnum tíðina en nú í dag er orðið svo mikið um innflutning á köttum að einhver blöndun hefur átt sér stað.
· Í gamla daga var kötturinn mikið nytjadýr á Íslandi. Hlutverk hans var að halda rottum og músum frá híbýlum manna.
*Eins og flestir vita þá fer kötturinn sínar eigin leiðir
Efni frá Húsdýragarðsvefnum.


Skapandi verkefni


Hestur - lífsferlar í náttúrunni

Ævintýri

Um dýrið
Fjölskyldugerð: hestur, hryssa og folald.
Þyngd: 350-450 kg.
Fengitími: að vori og að sumri.
Meðgöngutími: rúmlega 11 mánuðir.
Fjöldi afkvæma: 1 folald (sjaldan 2).
Nytjar: útreiðar, kjöt, húð og hár.

· Íslenski hesturinn er meðal stór en afar kraftmikill, lipur og snöggur.
· Hann hefur sérstaka reiðhæfileika sem hafa þróast í 1100 ár, og er eini hesturinn í heiminum sem býr yfir fimm gangtegundum.
· Litafjölbreytnin er víðfræg og eru í raun til hundruð litasamsetninga á íslenska hestinum. Má þar nefna mósótt, leirljóst, vindótt, glófext, skjótt, litförótt og jarpt.
Efni frá Húsdýragarðsvefnum.

Skapandi verkefni

Kýr

Ævintýri

Um dýrið
Fjölskyldugerð: naut, kýr og kálfur.
Þyngd: kýr u.þ.b. 450 kg og naut 600 kg.
Fengitími: allt árið.
Meðgöngutími: rúmlega 9 mánuðir.
Fjöldi afkvæma: 1 kálfur (sjaldan 2).
Nytjar: kjöt, mjólk, húð og horn.


· Á landnámsöld voru nautgripir stærsti hluti bústofns landsins. Þá voru þeir fyrst og fremst notaðir sem dráttardýr og gengu úti allt árið.
· Nú orðið eru flestir íslenskir nautgripir kollóttir en fyrir nokkrum öldum var meiri hluti þeirra hyrndir og bröndóttir.
· Mikil litafjölbreytni er í íslenska stofninum. Kýrnar geta verið rauðar, svartar, kolóttar, skjöldóttar, bröndóttar, gráar, sægráar og svona mætti lengi telja.
· Eiginleg ræktun nautgripa hófst ekki fyrr en upp úr 1930. Þá var farið að halda kúm undir ákveðin naut sem þóttu skara framúr að einhverju leyti.
Efni frá Húsdýragarðsvefnum.

Leikur - að finna heiti á nautgripum

Skapandi verkefni

Kindur

Ævintýri

Um dýrið
Fjölskyldugerð: hrútur, ær og lamb.
Þyngd: hrútur 80-100 kg og ær 60-70 kg.
Fengitími: nær hámarki í desember/janúar.
Meðgöngutími: tæpir 5 mánuðir.
Fjöldi afkvæma: 1-2 lömb (stundum fleiri).
Nytjar: ull, kjöt, slátur, húð og horn.

· Íslenska sauðkindin kom hér í fylgd fyrstu landnámsmanna og er af norrænu bergi brotin. Hún er harðgerð, nægjusöm og afurðasöm.
· Forystufé er hvergi þekkt í heiminum nema á Íslandi. Forystufé fer á undan fjárhópi í rekstri og heldur hópnum saman og eru til margar sögur um afrek þess.
· Fjárstofnar í heiminum eru yfirleitt einlitir og eru því íslensku sauðalitirnir óvenju fjölbreytilegir. Í íslenska stofninum má finna t.d. hvítt, gult, mórautt, grátt, svart, golsótt og botnótt auk ýmsa flekkóttra afbrigða.
Efni frá Húsdýragarðsvefnum.

Skapandi verkefni

Söngvar:

*Hani krummi hundur svín
*Litlu andar ungarnir
*





Bækur
*Húsdýrin okkar
*Litla gula hænan

Vefefni
*Lífsferlar í náttúrunni
*Húsdýragarðurinn

* Verkefni í Tölvum, skrift, lestur (hringekja)
* Verkefni 2 í tölvum (hringekja)


Búa til dýragarð með mismunandi dýrum.
Hópar
Húsdýr; Búa til hunda, ketti, kýr, hesta, kanínur, kindur, geitur,
Fuglar; Búa til hænur, endur, gæsir,
Villt dýr; Búa til hreindýr, refir, minkar,
Búa til umhverfi fyrir dýrin í dýragarðinum.
Skrifa tvær línur um dýrin á lítið blað til að setja uppá vegg með dýrunum í dýragarðinum. Hafa þetta verkefni í þrívídd þ.e. nota leir, pappír, ullarkembur, sag, pappamassa þekjuliti og tréplötu.

Vettvangsferð- Húsdýragarðinn