Heimilisfræði

Þrepamarkmið 3. Bekkjar
Nemandi
Næring og hollusta
- læri að morgunverður er undirstaða vellíðunar og heilbrigðis
- öðlist þekkingu á því hvers vegna sumar fæðutegundir eru hollar og aðrar óhollar
- geti gert greinarmun á hollum og óhollum drykkjarvörum
Matreiðsla og vinnubrögð
- þekki algeng eldhúsáhöld og viti hvers vegna þau eru notuð
- geti mælt í heilum og hálfum dl og notað allar mæliskeiðarnar
- fái þjálfun í að flysja og rífa niður grænmeti
- fái þjálfun í að fara eftir einföldum uppskriftum og fyrirmælum
- geti unnið í samvinnu við aðra
- geti gengið frá eftir sig á sínum vinnustað
Matvælafræði
- þekki fæðuflokkana og vinni sérstaklega með mjólkurflokk
- þekki algengar mjólkurvörur og kynnist ferlinu frá kú til neytanda (ferli mjólkur)
- þekki mjólkurumbúðir og geti lesið úr upplýsingum á umbúðum
- viti hvaðan matvælin koma sem unnið er með og geti þekkt þau, bragðað og snert
- kynnist og bragði á þjóðlegum íslenskum mat (t.d. sviðum, slátri, hákarli, harðfiski)
- þekki orð og hugtök tengd matargerð fyrri tíma
Hreinlæti
- læri um mikilvægi hreinlætis við matreiðslustörf (hendur, matvæli, áhöld, borðklútur)
- þjálfist í að þvo upp í höndum samkvæmt hreinlætiskröfum
Neytendafræði og umhverfisvernd
- þekki hugtakið umhverfisvernd og geti nefnt nokkur dæmi um hvernig vernda má umhverfið (sápur, hreinsiefni, eldsneyti, pappír, reykingar, áburður, útblástur o.fl.)
- viti að hægt er að spara (pappír, umbúðir, orku o.fl.) og geri sér grein fyrir fjárhagslegri og umhverfislegri hagkvæmni þess
- viti hvernig flokka má úrgang (sorp) frá heimilum
- geri verðsamanburð á mjólkurdrykkjum, jógúrt og ávaxtasafa (skólanestisvörur)
- kynnist því að á mjólkurumbúðum eru ýmsar upplýsingar (innihaldslýsing, dagstimplar og ýmis fróðleikur)
Aðrir þættir
- kynnist því hvaða störfum þarf að sinna á heimilum og hver ber ábyrgð á þeim
- temji sér að sýna kurteisi
- temji sér að taka tillit til og virða skoðanir annarra