Howard Gardner

Howard Gardner er prófessor í kennslufræðum við Harward Graduate School of Education og aðstoðarprófessor í taugafræði við Boston University School of Medicine. Hann er afkastamikill fræðimaður og hefur skrifað fjölda bóka. Í bók sinni Frames of Mind (1983) setti Gardner fram hugmyndir sínar um fjölgreind manna. Þessar hugmyndir byggði hann á athugunum á fjölda ótengdra heimilda, m.a. á fræðiritum um afbrigðilega einstaklinga, eðlileg börn og fullorðna, sérfræðingum og fólki frá ólíkum menningarheimum.

"Sú hæfni eða sá hæfileiki, sem birtist endurtekið í flestum einstaklinga í þessum ólíku fræðiritum, skilgreindi hann sem greindarþátt, en hann hafnaði þeirri hæfni eða þeim hæfileikum sem kemur aðeins fyrir einu sinni eða tvisvar" (Ragnheiður Valgarðsdóttir, 1999).

Skilgreining hans á greind er frekar byggð á listrænu en vísindalegu mati. Upphaflega kom hann fram með sjö greindir en rúmum áratug síðar bætti hann við áttundu greindinni.

Heimild:
Ragnheiður Valgarðsdóttir (1999). Leikskóli og nútíma þjóðfélag, B.Ed.-ritgerð. KHÍ, leikskólaskor.

Ítarefni:
http://pzweb.harvard.edu/PIs/HG.htm - Vefur um Howard Gardner og fjölgreindakenninguna.

Í efnisyfirlit                                                                        Næsta síða