Seymour Papert. 

 

Seymour Papert er prófessor við M.I.T í Bandaríkjum. Árið 1980 skrifaði hann bókina Mindstorms. Children, Computers and Powerful Ideas þar sem hann fjallar um hugmyndafræðina á bak við forritunarmálið LOGO.

Áhrif Piaget's koma mjög skýrt fram varðandi skilgreiningu Papert's á þekkingu. Piaget talar um:
1) samlögun (assimilation) þar sem ný þekking og nýjar upplýsingar blandast við þá þekking sem er fyrir.
2) tileinkun (accommodation) upplýsinga og þekkingar. (Sólrún B. Kristinsdóttir, 2001). Í meistaraprófsritgerðinni Veiðum menntun í netið (2001) eftir Þuríðar Jóhannsdóttur er skilgreiningi Papert´s á þekkingu orðuð á eftirfarandi hátt:

"Þar er það meginatriði að sú þekking sem fyrir er í huga nemandans gegni lykilhlutverki í námi því að til þess að ný þekking komi að gagni verður nemandinn að geta tengt hana við þá þekkingu sem hann býr þegar yfir."

Papert segir að mikilvægasta færni manneskjunnar sé færnin til að læra og:

"...It is the skill of being able not to give the right answer to questions about what you were taught inn school, but to make the right response to situations that are outside the scope of what you were taught in school. We need people who know how to act when they're faced with situations for which they were not specifically prepared." (Papert, 1998)

Fleiri fræðimenn t.d Jerome Bruner og kennsluaðferðir t.d. The Project-Approach sem byggja á hugsmíðahyggjunni endurspegla sömu hugsun varðandi þekkingu og öflun hennar.

Papert gerir greinamun milli þess hluta námsins sem snýst um að afla sér upplýsinga og hins þáttarins sem er að vinna úr upplýsingum. Hann er sammála John Dewey um að það sé mjög mikilvægt að umbreyta upplýsingunum í þekkingu í tengslum við að byggja eða framkvæma. Maður finnur hér mjög skýr tengsl við hugmyndina um LOGO forritunarmálið. Papert segir enn fremur að upplýsingaöflun ein og sér leiði ekki til náms og nýrrar þekkingar. Það er ferlið sem snýr að uppbyggingunni, í anda Deweys, þar sem umbreyting og úrvinnsla upplýsinga og þekkingar leiðir til nýrrar þekkingar. Þessi afstaða til þekkingar endurspeglast einnig í fjölgreindarkenningu Howard Gardner's.

Árið 1993 endurskoðaði og endurbætti Papert hugmyndafræði sína í bókinni The Childrens Machine. Rethinking School in the Age of the Computer . Hann gagnrýndi skólakerfið fyrir íhaldssemi og skorti á framsýni í tengslum við tölvunotkun á uppbyggjandi og skapandi hátt.

Heimildir:
Papert, Seymour (1983). Den totale Skilpaddetur. Börn, datamaskiner og kreative tanker. "Mindstorms". (bls.8-23, 181-193). Gad. Köbenhavn.

Papert, Seymour (1993). The Childrens Machine. Rethinking School in the Age of the Computer. (bls. 35-56, 57-81, 116-124, 205-225) New York. Basicbooks.

Papert, Seymour (1998). Child Power: Keys to the New Learning of the Digital Century. http://www.connectedfamily.com (síðast skoðað 10.6.2001)

Sólrún B. Kristinsdóttir (2001). Hugbúnaður og margmiðlun. Fyrirlestur á sumarnámskeið í framhaldsdeild KHÍ í Tölvu- og upplýsingatækni. Reykjavík.

Þuríðar Jóhansdóttir (2001). Veiðum menntun í netið. M.ed.-ritgerð við KHÍ. Reykjavík. Höfundi.

Í efnisyfirlit                                                                    Næsta síða