Jerome Bruner tengist hugsmíðahyggju á þann hátt að hann sér nám sem virkt félagslegt ferli (áhrif frá Lev Vygotsky) þar sem nemendur setja fram hugmyndir um viðfangsefni út frá þekkingargrunni sínum. Hann gengur út frá því að nemendur geta ekki skilið viðfangsefni fyrr en þeir þekkja það. Nemendur leita eftir upplýsingum, setja fram tilgátur, taka ákvarðarnir út frá nýrri reynslu og samlaga að þeirri þekkingu sem fyrir er.

Kennsluaðferðir sem byggja á hugmyndum Bruners gera ráð fyrir mörgum valmöguleikum varðandi viðfangsefni í námi og að hópvinna með nemendum á mismunandi aldri auðveldi nám.
Kennsla verður að byggja á og vera í takt við reynslu og samhengi nemenda þannig að þeir örvist til náms. Enn fremur verður kennslan að vera þannig byggð að námsefnið sé fyrst lagt inn á einfaldan hátt og síðar er það dýpkað í nákvæmari atriði.

Heimildir:
Briner, Martin (1999). Constructivism. http://curriculum.calstatela.edu/faculty/psparks/theorists/501const.htm

Kearsley, Greg (án árs). Constuctivist Theory. Um Jerome Bruner. http://www.gwu.edu/~tip/bruner.html

Sólrún B. Kristinsdóttir (2001). Hugbúnaður og margmiðlun. Fyrirlestur á sumarnámskeið í framhaldsdeild KHÍ í Tölvu- og upplýsingatækni. Reykjavík.

Í efnisyfirlit                                                                    Næsta síða